Aadhar Card Bank Se Link Kaise Kare Mobile Se 2018

Aadhar Card Bank Se Link Kaise Kare Mobile Se Latest 2018 Hello dosto aaj hum bina bank gaye aadhar card ko bank se link kaise kare. Iske baare me janege. Aadhar ko bank se link karna bahut easy hai, aap online aur offline dono tariko se aadhar card bank account se link kar sakte hai. But bahut saare log is process ko le kar kafi confuse hai. Aaj main aapki saari confusion thik kar dunga.

Aaj main yaha par kuch method bataunga, jinki help se aap easily bank se aadhar card link kar lenge. Yaha par jo method main batauga woh lagbhag sabhi bank me same hoga. Jaise yeh kuch bank hai. State Bank of India (SBI), Punjab National Bank (PNB), Axis Bank, HDFC Bank aur bhi jitne bhi bank hai sabhi me same process hoga.

Aadhar Card Bank Se Link Karne Ka Tarika Mobile Se Online & Offline

Dosto sabse pehle hum online aadhar card link karne ke baare me janege. Agar aapke paas Net banking hai, toh aap apne mobile or computer se hi ghar baithe aadhar card ko bank se link kar sakte hai.

Agar aapke paas net banking nahi hai, toh aap Simple Mobile se message send karke bhi aadhar card linking process complete kar sakte hai. Iske ilawa bhi ek aur tarika hai, Jiski help se aap ATM ke jariye is linking process ko pura kar sakte hai. But us se pehle hum iske kuch benefits jaan lete hai.

• Online Internet Se Aadhar Card Download Kaise Kare
• Internet Banking ke liye Apply or Activate Kaise Kare

BENEFITS OF LINKING AADHAR CARD WITH YOUR BANK ACCOUNT NUMBER

Aadhaar card ko bank se link karne se aapko bahut saare benefits milenge. Unme se kuch benefits main aapko yaha par bata deta hu.

• Aapko jitni bhi cheezo ki subsidies aati hai woh aapko direct bank account me asani se mil jayega karegi.
• welfare funds, pensions, scholarship, MNREGA aapke bank account me direct send ki jayegi.
• Study ko improve karne ke liye govt aage jab students ko scholarships degi. Agar sabhi students ka bank account aadhaar se link hoga, toh unko scohlarship pane me asani hogi.

Toh chaliye jyada time na lagate huye 3 method ko detail se jaan lete hai, aur fir iske baad 4th method offline bank me ja kar aadhar card link karne ke baare me janege.

Internet Banking Se Aadhar Card Bank Se Link Kaise Kare

STEP 1:

Sabse pehle aap apne internet Banking me login ho jaye. Agar aapka Account SBI ka hai, toh aap www.onlinesbi.com website par ja kar apne account me log in kar sakte hai.

STEP 2:

Internet Banking me login hone ke baad aap Dashboard me left side par quick links me dekhe waha par aapko Update Aadhaar with Bank account(CIF) likha huya dikhayi dega. Aapko us link par click karna hai.

STEP 3:

Fir aapke samne upar screenshot me jaisa dekh raha hai, waisa ek page open hoga. Ab aapko 2 baar Aadhar Number Enter karna hoga. Aadhaar card number enter karne ke baad aap submit button par click karde.

Jaise hi aap submit button par click kardoge, toh aapka aadhar card aapke bank account se link ho jayega. Aapke mobile par iska ek message bhi aayega ke aapka aadhaar card bank account se succesfully link ho gaya hai.

Mobile Se SMS Send Karke Bank Se Aadhar Card Link Kaise Kare

Agar aapke paas net banking nahi hai, toh aap simple apne mobile se ek message send karke aadhar card bank se link krwa sakte hai. Iske liye aapko neeche bataye huye steps follow karne honge.

STEP 1:

Sabse pehle aapko apne mobile me message box me ja kar neeche bataye format me message type karna hai.

UID (SPACE) AADHAAR NUMBER (SPACE) ACOOUNT NUMBER

Example – UID 123456789123 7894561237894

STEP 2:

Message type karne ke baad Aapko is message ko 567676 par send kar dena hai. Message sent hone ke baad aapko ek message aa jayega. Jisme bataya jayega ke aapka aadhar card bank se succesfully link ho gaya hai.

ATM Ke Jariye Aadhar Card Ko Bank Se Kaise Jode

Agar aap upar bataye huye dono tariko se aadhar card bank se link nahi karna chahte hai, toh fir aap atm machine se bank account aadhaar card se link karwa sakte hai. Iske liye aapko atm par ja kar neeche likhe steps follow karne hai.

Note. Yeh method Sirf SBI ATM ke liye hai. Another atm me yeh work nahi karega.

STEP 1:

First aapko ATM me card insert karna hai, aur uske baad aapko apna 4 digit ka atm pin enter karna hai.

STEP 2:

Ab aapke samne bahut saare option aa jayenge. But aapko “Service Registrations” select karke usme se “Aadhar Card” Registrations par touch karna hai.

STEP 3:

Ab aapko apna account type select karna hai. Aapke samne 2 option aayenge saving aur current usme se aapko apna account type select kar lena hai.

STEP 4:

Ab aapko 2 baar apna aadhar number enter karna hai, aur iske baad aapka aadhar card bank se link ho jayega.

Bank Branch Me Ja Kar Aadhaar Card Bank Se Link Kaise Karte Hai

Agar aap upar bataye huye kisi bhi tarike se aadhaar card bank se link nahi karna chahate hai, toh fir aapke paas sirf ek hi tarika bacha hai. Jisme aapko bank ki branch me ja kar ek form fill karke aadhaar link karna hoga. Iske liye neeche bataye huye steps follow kare.

STEP 1:

First aapko Aadhaar Link Form download karke uska printout nikalna padega. Ja fir Aap bank ja kar puch sakte hai. Shahid aapko waha se form mil jaye. Agar na mile toh aap bank ki offical website se form download kar sakte hai.

STEP 2:

Form ka printout nikalne ke baath aapko aadhaar card ki copy aur form le kar bank me jana hoga, aur aapko us form ko fill karke aadhaar card ki copy ke saath bank me submit karna hoga.

Jaise hi aap form submit kardoge, toh aapka aadhaar card bank se link ho jayega, aur aapko iska ek message bhi aa jayega.

• Paytm Bank Kya Hai or Isme Account Open Kaise Kare
• Paytm Se Paise Send or Recieve Kaise Kare | Online Transaction

Toh dosto last me main sirf itna hi kehna chahuga ke aadhar card bank se link karwana bahut jaruri hai. Agar aap isko link karwate hai, toh aapko bahut saare benefits bhi milenge. Aap upar bataye huye method me se kisi ek ka istemal karke aadhaar bank accountse link jarur karwaye.

Agar aapko yeh post achi lagi ho toh isko apne friends ke saath share jarur kare, aur agar aapke man me is post se related koi bhi query hai. Toh aap neeche comment me puch sakte hai.